न्हावरे येथे 'छत्रपती शिवाजी महाराज महाराजस्व समाधान शिबिर'

न्हावरे, (सुधीर खोमणे, प्रतिनिधी) : नागरिकांच्या महसुली कामांना गती देण्यासाठी आणि त्यांच्या अडचणी जागेवरच सोडवण्यासाठी शिरूर तालुक्यातील न्हावरे येथे सोमवार, १८ ऑगस्ट २०२५ रोजी 'छत्रपती शिवाजी महाराज महाराजस्व समाधान शिबिर' आयोजित करण्यात आले आहे. डॉ. बाबासाहेब आंबेडकर सभागृहात सकाळी १० ते सायंकाळी ५ या वेळेत हे शिबिर पार पडेल.

या शिबिरात विविध शासकीय योजनांची माहिती दिली जाईल आणि नागरिकांना त्यांचा लाभ घेता येईल. यासोबतच, नागरिकांच्या महसुली आणि इतर तक्रारींवर तात्काळ तोडगा काढला जाणार आहे. प्रमाणपत्र, नोंदी आणि विविध सरकारी अर्जांची पूर्तता करण्याची सुविधाही येथे उपलब्ध असेल.

या शिबिरामुळे सर्व कामे एकाच ठिकाणी होणार असल्याने नागरिकांची वेळ आणि श्रम वाचणार आहेत. महसूल विभागाच्या या उपक्रमामुळे नागरिक थेट अधिकाऱ्यांशी संवाद साधू शकतील, ज्यामुळे प्रशासनात अधिक पारदर्शकता येईल. महसूल विभागाने सर्व नागरिकांना या संधीचा लाभ घेण्याचे आवाहन केले आहे.